հայ eng heb
armenia-israel.com armenia-israel.com





Նորություններ

28 04 2013
ՀԱՂՈՐԴԱԳՐՈՒԹԻՒՆ

Nurhan_SrbazanՀայ Երուսաղէմի Պատրիարքութեան Դիւանը կու գայ մերազն ժողովրդին տեղեկացնել, թէ 10 Ապրիլ, 2013-ին, կէսօրէ ետք ժամը 2-ին, Յորդանանի Նորին Վեհափառութիւն` Ապտալլա Պին Հիւսէյն Հաշիմական Թագաւորը, իր պալատի դահլիճին մէջ ընդունեց Հայ Երուսաղէմի նորընտիր Պատրիարք Ամենապատիւ Տ. Նուրհան Արք. Մանուկեանը, զինք շնորհաւորելու եւ յանձնելու հաստատագիրը:


Ամենապատիւ Պատրիարք Սրբազան Հօր կ'ընկերանային Ս. Աթոռոյ Լուսարարապետ Գերշ. Տ Սեւան Արք. Ղարիպեան եւ Յորդանանի մէջ Պատրիարքական Փոխանորդ Գերշ. Տ. Վահան Արք. Թօփալեան եւ Հոգշ. Տ Գեղամ Ծ.Վրդ. Զաքարեան: նորին Վեհափառութեան հետ ներկայ էին եւս, Պալատի Փրոթոքոլի Իսլամական Աուքաֆի պատասխանատու անձերը:


Նորին Վեհափառութիւնը իր շնորհաւորական խօսքին մէջ շեշտեց Երուսաղէմի Իսլամական եւ Քրիստոնէական Սրբատեղեաց անխախտ պահպանումն ու անոնց պաշտպանութիւնը: Հայ Երուսաղէմի Պատրիարքութիւնը ըլլալով տէրն ու տիրականը Տնօրինական Տեղեաց Սուրբ Երկրին մէջ` Յոյն Ուղղափառ Պատրիարքութեան եւ Ֆրանչիսկեան Լատին Միաբանութեան հետ, Նորին Վեհափառութիւնը անդրադարցաւ վերջերս Պաղեստինեան Պետութեան Նախագահ ` Վսեմաշուք Մահմուտ Ապպասի եւ Հաշիմական Թագաւորութեան միջեւ ստորագրուած համաձայնագրին մասին , ըստ որում` Հաշիմական Թագաւորութիւնը պիտի շարունակէ մնալ Իսլամական եւ Քրիստոնէական Սրբատեղեաց պաշտպանը:


Պատրիարքական Ընտրութեան Հաստատագրի յանձնումէն ետք, Նորին Ամենապատուութիւնը իր շնորհակալական խօսքն յայտնեց Նորին Վեհափառութեան եւ խոստացաւ լաւագոյնս ընել յօգուտ Սրբատեղեաց, Երուսաղէմի, Պաղեստինի եւ Յորդանանի Հայ Համայնքներուն:
Նորին Վեհափառութեան հետ սոյն սիրալիր հանդիպուը իր եզրին հասաւ ողջագուրմամբ եւ ցնոր տեսութեան ակնկալութիւններով:



ԴԻՒԱՆ ՍՈՒՐԲ ԱԹՈՌՈՅ

 




BACK