Ուկրաինան և ԱՄՆ-ն համաձայնության են եկել հազվագյուտ մետաղների համատեղ մշակման գործարքի շուրջ, այն կստորագրեն Ուկրաինայի նախագահ Վոլոդիմիր Զելենսկին և ԱՄՆ նախագահ Դոնալդ Թրամփը: Այդ մասին հայտնել է ԱՄՆ ֆինանսների նախարար Սքոթ Բեսենտը՝ Fox News հեռուստաալիքի հետ հարցազրույցում:
Նրա խոսքով՝ գործարքն ամբողջությամբ պատրաստ է, և Ուկրաինայի կառավարությունն արդեն հավանություն է տվել դրան։ Բեսենտը նշել է, որ պայմանագրում ամրագրված են հազվագյուտ մետաղների, նավթի և գազի արդյունահանման ու տեղափոխման հետ կապված հարցեր: Փաստաթղթում անդրադարձ է կատարվում նաև Ուկրաինայի ենթակառուցվածքների զարգացմանը՝ արդյունահանումից ստացված գումարի դիմաց։
Ըստ ամերիկացի պաշտոնյայի՝ համաձայնագիրն արձանագրում է նաև կոռուպցիայի դեմ պայքարի նոր եղանակներ՝ բացառելով դրա ազդեցությունը տվյալ համագործակցության մեջ:
