ԱՄՆ նախագահ Դոնալդ Թրամփն Իսրայելի վարչապետ Բենիամին Նեթանյահուի հետ հանդիպումից հետո հայտարարել է, որ Իրանի հարցում առաջ շարժվելու վերաբերյալ հստակ համաձայնություն ձեռք չի բերվել, սակայն Թեհրանի հետ բանակցությունները կշարունակվեն: Թրամփը նաև շեշտել է՝ Իսրայելի անվտանգության շահերը պետք է հաշվի առնվեն:
Նա հիշեցրել է Իրանին հասցված հարվածների մասին և հույս հայտնել, որ այս անգամ Թեհրանն ավելի ողջամիտ և պատասխանատու կվարվի համաձայնագիր կնքելու հարցում:
Թրամփը և Նեթանյահուն նաև քննարկել են իրադրությունը Գազայի հատվածում և ընդհանուր առմամբ տարածաշրջանում:
Իսրայելի վարչապետը հանդիպել է նաև ԱՄՆ պետքարտուղար Մարկո Ռուբիոյի հետ, միացել Թրամփի նախաձեռնած Խաղաղության խորհրդին, որի առաջին նիստը կկայանա փետրվարի 19-ին, Վաշինգտոնում:
