Նեթանյահուն չեղարկել է իր այցը Բաքու

Իսրայելի վարչապետի գրասենյակի հայտարարությունը՝ շաբաթ, մայիսի 3, 2025թ.
Հաշվի առնելով Գազայում և Սիրիայում տեղի ունեցող զարգացումները, ինչպես նաև դիվանագիտական և անվտանգության գերզբաղված օրակարգը՝ վարչապետ Բենիամին Նեթանյահուն որոշել է հետաձգել իր նախատեսված այցը Ադրբեջան՝ ավելի ուշ ժամկետի համար։
Վարչապետը շնորհակալություն է հայտնում նախագահ Իլհամ Ալիևին հրավերի համար և գնահատում է երկու երկրների միջև ջերմ հարաբերությունները։

Իմ կարծիքը` Արտյոմ Չերնամորյան

Իրական պատճառը այն է, որ Թուրքիան չբացեց օդային տարածքը Բիբիի ինքնաթիռի համար։ Երեկվանից Իսրայելը սկսել է հարվածել նոր սիրիական կառավարական ուժերին, որոնք փորձել էին ներխուժել Սիրիայի դրուզյան գյուղեր՝ էթնիկ մաքրումներ իրականացնելու նպատակով։
Իսրայելի դրուզյան համայնքն ուժեղ է, և Բիբին ուղղակի չունի տարբերակ՝ չպաշտպանել նրանց Սիրիայում։

Իսրայելը ցանկանում է ցույց տալ, որ դրուզները կարող են վստահել պետությանը, և որ պետությունը կատարում է իր խոստումները։

Այս պարագայում Իլհամն ու Մեհրիբանը հավանաբար դժգոհ են, քանի որ Սարան ու Բիբին չեն այցելելու նրանց, չեն ճաշելու սև խավիարով, և Սարան չի գնա հնգօրյա գնումների Բաքվում։
Իսրայելում բոլորը հիշում են Սարայի նկարը նոր պայուսակի հետ, որը նա գնել էր։ Միևնույն ժամանակ, Իսրայելի ժողովուրդը պահանջում է վերադարձնել Գազայում պահվող պատանդներին, ովքեր այնտեղ են հոկտեմբերի 7-ից։

Այս պատմության ամենասարսափելի մասը այն է, որ մի կողմից՝ Իսրայելը պաշտպանում է փոքր էթնիկ խմբերին՝ դրուզներին ու քրդերին Սիրիայի հարավում, իսկ մյուս կողմից՝ ուղարկեց պատվիրակություն Բաքու՝ դեռ մինչև էթնիկ զտումներն ու սպանությունները, որոնք Ադրբեջանը իրականացրեց Արցախի Հանրապետությունում՝ մի ժողովրդավարական պետության դեմ։
120,000 հայեր, ովքեր հազարավոր տարիներ ապրել են իրենց հայրենիքում էթնիկ զտումների ենթարկվեցին: Հիմա Ալիևի ռեժիմը ոչնչացնում է հայկական հազարավոր տարիների եկեղեցիներն ու ներկայությունը Արցախում։

Բիբին՝ Իսրայելի վարչապետը, շուրջ 9 միլիարդ դոլարի ժամանակակից զենք ու համակարգեր վաճառեց շիա Ադրբեջանին, և այդ զենքի մի մասը հենց օգտագործվել է՝ կատարելու այն, ինչ բռնապետ Ալիևը արեց աշխարհի ամենահին քաղաքակրթություններից մեկի դեմ։

Առաջին անգամ թուրքական F-16-ները օդ էին բարձրացել Սիրիայում՝ այն պահին, երբ Իսրայելի օդուժը ոչնչացնում էր ահաբեկիչներին։ Այստեղ համաձայն եմ՝ Էրդողանի «փոքր եղբայրը»՝ Ալ Շարրան, տեսավ, որ Թուրքիան իրեն չի կարող պաշտպանել, իսկ Իսրայելը կարող է ոչնչացնել իրեն՝ ինչպես օրինակ Նասրալլային, այնպես էլ Հանիային։ Կտեսնենք՝ շարունակելու՞ է դրուզներին սպանել, թե ոչ։

Միևնույն ժամանակ, ռուսական ինքնաթիռները պտտվում են սիրիական երկնքում, ինչը բավականին ծիծաղելի է։ Եթե Էրդողանի F-16-ները վախենում են մոտենալ իսրայելական ինքնաթիռներին, այդ «սուպեր հերոսները» ի՞նչ են փորձում ցույց տալ։ Թե դե՞ռ Սիրիայում են։ Իսրայելցի օդաչուն կարող է խոցել ցանկացած ռուսական ինքնաթիռ՝ մոտ կես ժամ առաջ, մինչև ռուսական ռադարները նրան նկատեն։

Ռուսները երբեք չեն խանգարել Իսրայելին Սիրիայում հարվածելու թիրախներին Ասադի ռեժիմի օրոք, բայց միևնույն ժամանակ լավ գործընկերներ են եղել Իրանի ու Ասադի հետ՝ օգնելով նրանց գրեթե տասը տարի պահպանել Սիրիայի ռեժիմը։

Ուղղակի ուզում եմ տեսնել Էրդողանի դեմքը, երբ նա հրամայեց իր ինքնաթիռներին վերադառնալ ու չհարվածել իսրայելական օդուժին։ Թրամփ «հայրիկը» կարող է բարկանալ նրա վրա, ինչպես նաև Բիբիի քաղաքականության վրա՝ Թուրքիայի նկատմամբ։ Էրդողանն օգտակար է Թրամփի համար։

Սպասենք և հուսանք, որ առանց Իրանի միջուկային հարցը փակելու, նոր բախում և պատերազմ Իսրայելի ու Թուրքիայի միջև չի սկսվի։