.jpg?w=768&resize=768,0&ssl=1 "ԱԳ փոխնախարարը մասնակցել է «Հիմնաքարերի ամրապնդում. բաց համացանցի ապագայի ապահովում» խորագրով բարձրաստիճան հարակից միջոցառմանը")
Սեպտեմբերի 25-ին Նյու Յորքում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել «Հիմնաքարերի ամրապնդում. բաց համացանցի ապագայի ապահովում» խորագրով բարձրաստիճան հարակից միջոցառմանը՝ կազմակերպված Էստոնիայի և «Ազատություն առցանց կոալիցիայի» նախաձեռնությամբ։
ԱԳ նախարարի տեղակալն անդրադարձել է ճգնաժամերի և հակամարտությունների ներկայիս համատեքստում թվային տեխնոլոգիաների չարաշահմանը և դրանց արդյունքում առաջացած միջազգային իրավունքի խախտումներին, հայտնում են նախարարության մամուլի ծառայությունից։
Ռոբերտ Աբիսողոմոնյանն ընդգծել է թվային տեխնոլոգիաների տարածման արդյունքում ի հայտ եկած նոր մարտահրավերներին դիմակայելու համար ոչ ավանդական լուծումների և միջազգային նախաձեռնությունների, այդ թվում՝ «Ազատություն առցանց կոալիցիայի» կարևորությունը իրավահեն թվային ճարտարապետության կառուցման և առողջ թվային միջավայրի հաստատման գործում։
ԱԳ նախարարի տեղակալը վերահաստատել է Հայաստանի հանձնառությունը՝ ուղղված թվային միջավայրում մարդու իրավունքների և կիբեռանվտանգության խթանման հարցում միջազգային համագործակցության ապահովմանը։
.jpg "ԱԳ փոխնախարարը մասնակցել է «Հիմնաքարերի ամրապնդում. բաց համացանցի ապագայի ապահովում» խորագրով բարձրաստիճան հարակից միջոցառմանը")
