Skip to content

Գերիների և պահվող անձանց ազատ արձակման հարցը մեր օրակարգում է. Միրզոյան

גיליון שחרור אסירים ועצורים נמצא על סדר היום שלנו: מירזויאן

Մի քանի օր առաջ նախկին ԱԳ նախարար Վարդան Օսկանյանը հանդես էր եկել կոչով` դադարեցնել բանակցությունները Բաքվի հետ, քանի դեռ գերիներին ազատ չեն արձակել: ՔՊ խմբակցության պատգամավոր Տաթևիկ Գասպարյանը ԱԺ-Կառավարություն հարցուպատասխանի ժամանակ ԱԳ նախարար Արարատ Միրզոյանին խնդրեց մեկնաբանել հայտարարությունը:

«Ես մեծ վերապահումով կմոտենայի այն մարդկանց սթափության գնահատմանը, ովքեր այսօր ասում են, որ Հայաստանը պետք է դադարեցնի բանակցությունները և դրանց շարունակությունը պայմանավորի որևէ բանով:

Ես չգիտեմ` որքանով եք նկատել, թե չէ, ջանքեր եմ գործադրում մեկնաբանություններ չանել կոնկրետ անձանց կամ նրանց ասածների մասին, բայց այս դեպքում չեմ կարող չանել: Իսկապես առաջարկը գնահատում եմ անսթափ, սարսափում եմ, որ պատկերացնում եմ՝ այդ մոտեցմամբ մարդը երկար տարիներ պատասխանատվություն է ունեցել վարել բանակցությունները: Հասկանալի է, թե ինչու այդ բանակցությունները որևէ արդյունք չեն տվել. միակ հույսս այն է, որ տարիներ առաջ գուցե սթափության աստիճանը ավելին է եղել:

Մեր կողմից կարող եմ ասել, որ ՀՀ-ն խստորեն և անկեղծորեն շահագրգռված է խաղաղության բանակցությունները շարունակելու մեջ, Ադրբեջանի հետ հարաբերությունները կարգավորելու մեջ, և մենք մեր կառուցողական ջանքերը գործադրելու ենք, որ այդ խաղաղությունն օր առաջ իրականություն դառնա, և բոլոր եղած խնդիրներն էլ լուծվեն, այդ թվում՝ գերիների և պահվող անձանց ազատ արձակման հարցը, որը մեր առաջնահերթություններից մեկն է, և մեր օրակարգում է»,- նշեց ԱԳ նախարարը:

Անդրադառնալով այն հարցին, թե ինչ է արվում այդ ուղղությամբ, ասաց. «Ուզում եմ մի քանի բան թվարկել մի շաբաթվա, լավ 10 օրվա թարմության: ԱԳՆ-ն հայտարարություն արե՞լ է այս մասին՝ արել է, Ժնևում Մարդու իրավունքների խորհրդում, ՄԱԿ-ի մարդու իրավունքների խորհրդում, որն այս հարցով ամենապատկառելի և վերաբերելի կառույցներից մեկն է, ես ունեցել եմ հրապարակային ելույթ, որտեղ մի ահագին մաս նվիրել եմ գերիների թեմային և շինծու դատավարությունների թեմային, և այդ դատավարություններում գերիների ոտնահարվող իրավունքների, խոշտանգումների, ապօրինի ներգործությունների թեմային: Ես հանդիպել եմ ԿԽՄԿ ղեկավարի հետ: Ես հանդիպել եմ ՄԱԿ-ի մարդու իրավունքների բարձր հանձնակատարի հետ այս ոլորտի այս հարցի ամենակարևոր օղակներից մեկը միջազգային հարաբերություններում: Մեր հանդիպումից օրեր անց, մարդու իրավունքների բարձր հանձնակատարը հանդես եկավ հայտարարությամբ՝ կոչ անելով Ադրբեջանի իշխանություններին օր առաջ ազատ արձակել բոլոր հայազգի պահվող անձանց: Սա երևացող բաներն են, որոնց մասին մամուլում դրսևորում է եղել»:

Աղբյուրը՝ ՀՀ Առաջին Լրատավական Ալիք

 

SHARE​

Թողնել պատասխան

Ավելի շատ հոդվածներ

Եգիպտոսում ՀՀ դեսպանն ու Հարավային Սինայի նահանգապետը քննարկել են համագործակցության ընդլայնումը

Եգիպտոսում ՀՀ դեսպանն ու Հարավային Սինայի նահանգապետը քննարկել են համագործակցության ընդլայնումը

Եգիպտոսում ՀՀ դեսպան Արմեն Սարգսյանը ապրիլի 17-ին հանդիպում է ունեցել Հարավային Սինայի նահանգապետ Խալեդ Մուբարաքի հետ։ Այս մասին հայտնում են Եգիպտոսում ՀՀ դեսպանությունից։ Զրուցակիցները քննարկել

ԵՄ աջակցությամբ բարեփոխումներ են իրականացվել ՆԳՆ-ում. ամփոփվել է երկամյա ծրագիրը

ԵՄ աջակցությամբ բարեփոխումներ են իրականացվել ՆԳՆ-ում. ամփոփվել է երկամյա ծրագիրը

Ինչպես են անցել ոստիկանության, փրկարար ծառայության, Միգրացիայի և քաղաքացիության ծառայության ու սահմանապահ զորքերի բարեփոխումները: Ամփոփել են երկամյա ծրագրի պատասխանատուները: ԵՄ աջակցությամբ իրականացվող բարեփոխումների ընթացքում հաշվի