Նոյեմբերի 18-ին դեսպան Նարեկ Մկրտչյանը հանդիպում է ունեցել Սակրամենտո շրջանի տնտեսական խորհրդի գործադիր փոխնախագահ Թրաելս Ադրիանի հետ։ Հանդիպման ընթացքում քննարկվել են Սակրամենտոյի տնտեսական հնարավորությունները, ԱՄՆ շուկայում հայկական բիզնեսների համար համագործակցության հնարավորությունները, ինչպես նաև փորձի փոխանակման ու համատեղ ծրագրերի իրագործման հեռանկարները։
Քննարկումների արդյունքում ձեռք է բերվել պայմանավորվածություն՝ կազմակերպել բիզնես պատվիրակությունների փոխայցեր՝ նպատակ ունենալով Սակրամենտոյի տեխնոլոգիական ընկերություններին, հատկապես կիսահաղորդիչների նախագծմամբ ու արտադրությամբ զբաղվող փոքր և միջին ձեռնարկություններին ներկայացնել Հայաստանի ոլորտային հնարավորությունները։
