Skip to content

Երուսաղեմի Հայոց պատրիարք է ընտրվել Նուրհան արքեպիսկոպոս Մանուկյանը

ארכיבישוף נורהן מנוגיאן נבחר כפטריארך הארמני של ירושלים

Լուսանկարը՝  Երուսաղեմի Հայոց պատրիարք Նուրհան արքեպիսկոպոս Մանուկյանը Երուսաղեմի Հայոց պատրիարքարանի կրոնական միաբանության անդամների հետ միասին

Լուսանկարը՝ Արիս արքեպիսկոպոս Շիրվանյանի անձնական արխիվից

24.01.2013

Երուսաղեմի  Հայոց պատրիարքարանի Ընդհանուր միաբանական ժողովը, որին մասնակցել են աշխարհի մի շարք երկրներից ժամանած Երուսաղեմի միաբանները, Երուսաղեմի Հայոց պատրիարք են ընտրել Նուրհան արքեպիսկոպոս Մանուկյանին։

Երուսաղեմի Հայոց պատրիարք Թորգոմ արքեպիսկոպոս Մանուկյանը վախճանվել էր հոկտեմբերի 12-ի առավոտյան՝ 93 տարեկան հասակում: Նա Երուսաղեմի Հայոց պատրիարք էր ընտրվել 1990 թվականին։

Պատրիարքի պաշտոնի համար, կանոնադրության համաձայն, ներկայացվել էին 5 թեկնածուներ, եւ այսօր առավոտյան քվեարկությունների արդյունքում մնացել էր 2 թեկնածու՝ պատրիարքի տեղապահ Արիս արքեպիսկոպոս Շիրվանյանն ու Լուսարարապետ, մինչեւ պատրիարքի մահկանացուն կնքելը պատրիարքի փոխանորդ Նուրհան արքեպիսկոպոս Մանուկյանը։

Քվեարկությունների արդյունքում 17 ձայն ստացել է Նուրհան Մանուկյանը, 15՝ Արիս Շիրվանյանը, եւ մեկ հոգի ձեռնպահ է քվեարկել։ Այսպիսով պատրիարք է ընտրվել Նուրհան արքեպիսկոպոս Մանուկյանը։

Արտյոմ Չերնոմորյան, Երուսաղեմ

Աղբյուրը՝ http://www.azatutyun.am/archive/news/20130124/2031/2031.html?id=24882878

 

SHARE​

Թողնել պատասխան

Ավելի շատ հոդվածներ

Աղոթում եմ Հայաստանի և Ադրբեջանի միջև խաղաղության վերջնական համաձայնագրի համար. Հռոմի պապ

Աղոթում եմ Հայաստանի և Ադրբեջանի միջև խաղաղության վերջնական համաձայնագրի համար. Հռոմի պապ

Հարավային Կովկասի երկարատև լարվածությունը պահանջում է հրատապ հաշտեցում: Ոչ մի խաղաղություն հնարավոր չէ առանց իրական զինաթափման: Սուրբ Զատիկի ուղերձում ասել է Հռոմի Ֆրանցիսկոս պապը: «Աղոթում եմ

Այս տարի Զատիկը միասին նշում են Ռուս Ուղղափառ Եկեղեցու և Հայ Առաքելական Եկեղեցու ծխականները. ՌԴ դեսպանության ուղերձը

Այս տարի Զատիկը միասին նշում են Ռուս Ուղղափառ Եկեղեցու և Հայ Առաքելական Եկեղեցու ծխականները. ՌԴ դեսպանության ուղերձը

Հայաստանում ՌԴ դեսպանությունը շնորհավորական ուղերձ է հղել Սուրբ Հարության տոնի արթիվ: «Շնորհավորում ենք հավատացյալներին Քրիստոսի Հարության հրաշափառ տոնի առթիվ։ Այս տարի Զատիկը միասին նշում են Ռուս