Ռուսաստանի արտաքին հետախուզության ծառայության ղեկավարը Բաքվում մասնակցել է «Աֆղանստան. տարածաշրջանային փոխկապակցվածություն, անվտանգություն և զարգացում» համաժողովին:
Այցի շրջանակում Սերգեյ Նարիշկինը հանդիպել է Ադրբեջանի արտաքին հետախուզության և պետական անվտանգության ծառայության ղեկավարության, ինչպես նաև հետախուզական այլ կառույցների ղեկավարների հետ:
Ադրբեջանական լրատվամիջոցների տվյալով՝ բանակցությունների ընթացքում ռուս պաշտոնյան նշել է, որ հատուկ ծառայությունների ուղղությամբ Ռուսաստանի և Ադրբեջանի միջև գործակցությունը դինամիկ զարգանում է, կրում է կառուցողական, փոխշահավետ և վստահելի բնույթ, ինչպես նաև ուղղված է Ռուսաստանի և Ադրբեջանի ազգային շահերի պաշտպանությանը:
