Վաշինգտոնյան գագաթնաժողովը Երևանին ու Բաքվին հնարավորություն է տվել կնքելու երկարաժամկետ խաղաղության համաձայնագիր. ԱՄՆ հետախուզության զեկույցը
ԱՄՆ ազգային հետախուզությունը հրապարակել է «Սպառնալիքների տարեկան գնահատում» զեկույցը, որում անդրադարձ կա նաև Հայաստանի և Ադրբեջանի միջև կարգավորման գործընթացին:
Նշվում է, որ 2025 թ. օգոստոսի 8-ի Վաշինգտոնյան գագաթնաժողովը երկու երկրին հնարավորություն է տվել կնքելու երկարաժամկետ խաղաղության համաձայնագիր և նպաստելու տարածաշրջանային կայունության ամրապնդմանը:
Փաստաթղթի համաձայն՝ խաղաղության գագաթնաժողովից սկսած՝ կողմերը պատրաստակամություն են հայտնել պահպանելու խաղաղ գործընթացի դինամիկան: Մասնավորապես՝ Հայաստանի և Ադրբեջանի սահմանին հրադադարի ռեժիմի խախտումների թիվը կտրուկ նվազել է և ներկայումս գրեթե բացակայում է: Բացի դրանից՝ նշվում է, որ կողմերը հայտարարել են միմյանց տարածքով բեռների տարանցման սահմանափակումները:
Միևնույն ժամանակ, զեկույցում ընդգծվում է, որ դեռ կան խոչընդոտներ խաղաղության համաձայնագրի վերջնական կնքման ճանապարհին: Օրինակ՝ նախագահ Ալիևը շարունակում է պնդել, որ Հայաստանը փոխի իր սահմանադրությունը:
