Թեհրանի հյուսիսում գտնվող «Շահրան» նավթի պահեստում և Իրանի մայրաքաղաքի հարավում գտնվող վառելիքի պահեստում բռնկված հրդեհները վերահսկողության տակ են։ Այդ մասին հայտնում է Իրանի նավթի նախարարության հետ առնչություն ունեցող Shana լրատվական գործակալությունը:
Ավելի վաղ Shana-ն հայտնել էր, որ Իսրայելը հարվածել է «Շահրան» նավթի պահեստին և Թեհրանի հարավում գտնվող վառելիքի պահեստին։
«Արագ արձագանքման խմբերը անմիջապես ժամանել են, և իրավիճակն այժմ վերահսկողության տակ է»,- ասվում է գործակալության հայտարարության մեջ։
«Շահրան» նավթի պահեստում կրակ է բռնկվել միայն երկու-երեք ռեզերվուարում, հրշեջները աշխատում են հրդեհը տեղայնացնելու ուղղությամբ, ավելի վաղ հայտարարել էր Թեհրանի հրշեջ ծառայության պաշտոնական ներկայացուցիչ Ջալալ Մալեքին։
