Իրանում իսրայելական հարվածներից զոհվել է 78 մարդ, այդ թվում՝ բարձրաստիճան սպաներ, ավելի քան 320 մարդ վիրավորվել է, որոնց մեծ մասը՝ քաղաքացիական անձինք։ ՄԱԿ-ի Անվտանգության խորհրդի հրատապ նիստում այդ մասին հայտարարել է Իրանի բանագնաց Ամիր Սայիդ Իրավանին։ Նա նշել է, որ Միացյալ Նահանգները հանցակից է կատարվածին։ ԱՄՆ պետքարտուղարության պաշտոնյան էլ հայտարարել է, որ Իրանի համար շատ ծանր հետևանքներ կլինեն, եթե Թեհրանը թիրախավորի ԱՄՆ քաղաքացիներին, ամերիկյան ռազմակայանները կամ ենթակառուցվածքը։
Ի դեպ, Իսրայելին հասցված Իրանի պատասխան հարվածներից հետո հազարավոր մարդիկ հավաքվել են Թեհրանի կենտրոնում, ողջունել Թել Ավիվին հասցված հարվածներն ու պահանջել, որ պատասխանն առավել կոշտ լինի: Միևնույն ժամանակ Իսրայելի վարչապետը հայտարարել է, որ ընդլայնում են Իրանի տարածքում գործողության մասշտաբը:
Միջազգային զարգացումները՝ տեսաշարում։
