11.200 դոլարը չի հայտնաբերվել, ներկա պահին այդ ուղղությամբ աշխատանքները շարունակում ենք: Բայց միաժամանակ ուզում եմ տեղեկացնել, որ մեղադրյալների հարազատները պատրաստակամություն են հայտնել գումարի մնացած մասը, այսինքն՝ 11.200 դոլարը վերականգնել: Այս մասին խորհրդարանական ճեպազրույցի ժամանակ ասաց Հակակոռուպցիոն կոմիտեի նախագահ Արթուր Նահապետյանը՝ անդրադառնալով ՔԿ կառուցվածքային ստորաբաժանումներից մեկում 590 հազար դոլարի հափշտակության գործին:
«Եթե ունենանք վերականգնում, շատ ավելի լավ, եթե՝ ոչ, ապա Քրեական դատավարության օրենսգրքում կա գույքի արգելադրման ինստիտուտ, որը հնարավորություն է տալիս պատճառված վնասն ամբողջությամբ վերականգնելու համար արգելանքներ կիրառել մեղադրյալների շարժական և անշարժ գույքերի վրա: Մեղադրյալներն ունեն այդպիսի գույքեր՝ թե՛ շարժական, թե՛ անշարժ, և վնասի վերականգնման դեպքում մենք այդ գույքի արգելադրման ինստիտուտը անպայման կկիրառենք»,- ասաց նա:
Արթուր Նահապետյանը նաև տեղեկացրեց, որ հանցագործության մասնակիցներից մեկի՝ ՔԿ-ումվարչության պետի պաշտոնակատարիընտանիքն է գումարը տալու պատրաստակամություն հայտնել:
Ինչ վերաբերում է այն հարցին, թե ինչո՞ւ է գումարը ՔԿ-ում եղել, ոչ թե ԿԲ-ում, Հակակոռուպցիոն կոմիտեի նախագահը պատասխանեց. «ԿԲ-ն հրաժարվել է գումարն ի պահ ընդունել և նորից վերադարձրել է ՔԿ: Մնացել է չհրկիզվող պահարանում»:
Թե ինչու է ԿԲ-ն հրաժարվել «ի պահ ընդունել» գումարը, այս պահին քննություն է ընթանում: Արթուր Նահապետյանըմիայն տեղեկացրեց, որ ԿԲ-ն ներկայացրել է հիմքերը, թե ինչու է հրաժարվել ընդունել գումարը՝ այլ մանրամասներ չհաղորդելով:
Հիշեցնենք, որ ՔԿ կառուցվածքային ստորաբաժանումներից մեկում 590 հազար դոլարի հափշտակության գործովնախաձեռնվել է քրեական վարույթ, 2 անձ կալանավորվել է:
