.png?w=768&resize=768,0&ssl=1 "Within framework of Yerevan Dialogue, Secretary General of MFA of Armenia met with Acting Secretary General of Ministry of Foreign Affairs of Serbia")
ԱԳՆ գլխավոր քարտուղարը «Երևանյան երկխոսություն» համաժողովի շրջանակներում հանդիպել է Սերբիայի ԱԳՆ գործող Գլխավոր քարտուղարի հետ
«Երևանյան երկխոսություն» համաժողովի շրջանակներում ՀՀ արտաքին գործերի նախարարության գլխավոր քարտուղար Դավիթ Կարապետյանը հանդիպել է Սերբիայի ԱԳՆ գործող Գլխավոր քարտուղար, դեսպան Դուշան Կոզարևի հետ, հայտնում են ԱԳ նախարարությունից։
Հանդիպման ընթացքում կողմերը քննարկել են Հայաստան-Սերբիա հարաբերությունների օրակարգը՝ ընդգծելով քաղաքական երկխոսության խորացման, բարձր մակարդակի շփումների ակտիվացման և ինստիտուցիոնալ համագործակցության զարգացման կարևորությունը: ԱԳՆ գլխավոր քարտուղար Դավիթ Կարապետյանը կարևորել է դիվանագիտական դպրոցների միջև համագործակցության ընդլայնումը, ներառյալ` երիտասարդ դիվանագետների փոխանակման ծրագրերը։
Զրուցակիցները պայմանավորվածություն են ձեռք բերել ակտիվացնել համապատասխան մեխանիզմները և առաջ մղել գործնական նախաձեռնությունները։
