Ի հեճուկս որոշ վայ կանխատեսումների, Մյունխենի անվտանգության համաժողովը, քաղաքագիտական գնահատականներով, Հայաստանի համար դրական արդյունք է ունեցել:
Եվրոպան հստակ ուղերձ է հղել, որ առաջիկայում ևս մեր երկրի հետ կաշխատի վերջին շրջանի տեմպով:
Պատահական չի համարվում Ալիևի չմասնակցելը կոնֆերանսին. մասնագետները համոզված են՝ Ադրբեջանի ղեկավարին հասկացրել էին, որ նրան այնքան էլ չեն սպասում:
Ինչ վերաբերում է առավել ընդգրկուն՝ աշխարհաքաղաքական նշանակությանը, ապա այստեղ էականն այն է, որ հստակ արձանագրվել է Միացյալ Նահանգների նոր վարչակազմի վերաբերմունքը Եվրամիության նկատմամբ, ինչը վերջիններս մտահոգիչ են համարում:
Քաղաքագետները, սակայն, կարծում են, որ Եվրոպան պետք է սառնասրտություն դրսևորի:
Հեղինակ՝ Վոլոդյա Մուշեղյան
