Իլոն Մասկը ԱՄՆ իշխանությունների հետ աշխատանքը կդադարեցնի այն բանից հետո, երբ կավարտի իր առաքելությունը երկրի կառավարության արդյունավետության դեպարտամենտում, հայտարարել է Սպիտակ տան քարտուղար Քերոլայն Լևիտը՝ X-ի միկրոբլոգում մեկնաբանելով Politico թերթի հրապարակումը։
Նշված հրապարակման մեջ նշվում էր, որ Դոնալդ Թրամփը իր մերձավոր շրջապատում հայտնել է՝ քաղաքական դերակատարումը, որ ունի Մասկը, առաջիկա շաբաթներին կնվազի։
Թերթի աղբյուրները պնդում են, որ Մասկը հիմնականում կզբաղվի բիզնեսով և քաղաքական առումով «օժանդակող դեր կունենա»՝ միաժամանակ պահպանելով Թրամփի ոչ պաշտոնական խորհրդականի դերը։
«Այդ լուրը կեղծ է․ Իլոն Մասկն ու նախագահ Թրամփը հրապարակավ ասել են, որ Իլոնը կառավարությունում պետական հատուկ ծառայողի իր աշխատանքը կավարտի, երբ նրա աշխատանքը կառավարության արդյունավետության դեպարտամենտում ավարտվի»,- ասել է Լևիտը։
