Մենք տեսնում ենք, թե ինչպես է այս Կառավարությունը, նրանց առաջնորդությունը փոխել Հայաստանի ուղին: Խաղաղության ուղին Հայաստանի և Ադրբեջանի միջև հույժ կարևոր է: Այդ մասին ՀՀ ԱԳ նախարար Արարատ Միրզոյանի հետ համատեղ ասուլիսի ժամանակ ասաց Էստոնիայի ԱԳ նախարար Մարգուս Ցահքնան՝ նշելով, որ Եվրոպայի և աշխարհի մյուս երկրների միջև առևտրի միջանցքներ ստեղծելը ժողովրդի բարգավաճման և բիզնես ոլորտի զարգացման համար հենց խաղաղության նախապայմանն է:
«Մենք տեսնում ենք իրականում, սա հսկայական, հսկայակա՛ն աշխարհաքաղաքական փոփոխություն է, ոչ միայն այն, ինչ դուք անում եք հայ ժողովրդի համար, այլև ամբողջ տարածաշրջանի համար: Մենք ուզում ենք դրա մի մասը լինել, ուզում ենք աջակցել դրան, ուզում ենք մեր փորձառությամբ, գիտելիքով կիսվել, ինչպես նաև ուզում ենք ձեզանից սովորել:
Շատ բան ունենք սովորելու հայ ժողովրդից: Դուք ինչպե՞ս եք ապագան տեսնում, ինչպե՞ս ունեք այդ քաղաքական կամքը, առաջնորդությունը և կարողությունը՝ փոփոխությունների, որոշումներ կայացնելու, որոնք դեպի ապագա են ուղղված», — ասաց նա:
