Երեքշաբթի Ադրբեջանի իշխանությունները հայտարարել են, որ ձերբակալել են երեք անձի, որոնք ծրագրել էին հարձակում իրականացնել Բաքվում գտնվող օտարերկրյա դեսպանատներից մեկի վրա՝ «Իսլամական պետություն-Խորասան» (ISIS-K) խմբավորման հրահանգով, որը «Իսլամական պետության» աֆղանական ճյուղն է՝ հայտնել է Reuters-ը։
Ռուսաստանի հիմնականում մահմեդական բնակչություն ունեցող շրջաններում, որտեղ այս խմբավորումը ներառված է արգելված ահաբեկչական կազմակերպությունների ցուցակում, ինչպես նաև Կենտրոնական Ասիայում, կանխվել են մի շարք ահաբեկչական դավադրություններ:
Ադրբեջանի հատուկ ծառայության աշխատակիցները տղամարդկանց ձերբակալել են դեսպանատանը մոտենալիս: Հայտարարության մեջ օտարերկրյա դեսպանատան անունը չի նշվում։
«Իսլամական պետություն-Խորասան»-ը կամ ISIS-K-ն 2024 թվականին ստանձնել էր Մոսկվայում Կրոկուս սիթի հոլի վրա կատարված հարձակման պատասխանատվությունը, որի հետևանքով զոհվել էր առնվազն 145 մարդ։
Իրենց հայտարարության մեջ Ադրբեջանի իշխանությունները նշել են, որ կասկածյալները ձերբակալվել են կրոնական թշնամանքի հիման վրա «ահաբեկչություն նախապատրաստելու» մեղադրանքով: Նրանք նշել են, որ քննությունը շարունակվում է։
Առանձին գործով, ադրբեջանական դատարանը անցյալ տարվա հոկտեմբերին ISIS-K-ի հետ կապված մի տղամարդու դատապարտել է 13 տարվա ազատազրկման՝ ահաբեկչության մեղադրանքով, նրան մեղավոր ճանաչելով 2024 թվականի դեկտեմբերին Բաքվի սինագոգի վրա Մոլոտովի կոկտեյլով հարձակում պլանավորելու համար։
