Իրանի Փորձագետների խորհուրդը հաստատել է, որ Մոջթաբա Խամենեին՝ ԱՄՆ-ի և Իսրայելի հարվածների հետևանքով զոհված այաթոլլա Ալի Խամենեիի որդին, ընտրվել է Իրանի Իսլամական Հանրապետության նոր գերագույն առաջնորդ։
Այս մասին ասված է խորհրդի հայտարարությունում, որը մեջբերում է իրանական Tasnim գործակալությունը։
«Այսօրվա նիստում Փորձագետների խորհրդի հարգարժան ներկայացուցիչների միաձայն որոշմամբ այաթոլլա Սեյեդ Մոջթաբա Խամենեին կներկայացվի որպես Իրանի Իսլամական Հանրապետության երրորդ գերագույն առաջնորդ»,- նշված է հայտարարության մեջ։
Ավելի վաղ Reuters-ի հետ զրույցում Փորձագետների խորհրդի անդամ այաթոլլա Հոսեյնի Էշքվարին հայտնել էր, որ Խամենեի ազգանունով մարդը կդառնա Իրանի նոր գերագույն առաջնորդը:
Իր հերթին, ԱՄՆ-ի նախագահ Դոնալդ Թրամփը հայտարարել էր, որ Իրանի հաջորդ առաջնորդը չի կարողանա երկար ժամանակ պահպանել իշխանությունն առանց Միացյալ Նահանգների հավանության։
