Եվրամիությունը պարտավորեցրել է օտարերկրյա գազի մատակարարներին հաստատել, որ արտահանվող վառելիքը չունի ռուսական ծագում։ Փաստաթուղթը վերաբերում է Թուրքիայից և Ադրբեջանից արտահանողներին։ Նրանք պետք է գազի ոչ ռուսական ծագման ապացույցներ ներկայացնեն Բուլղարիայի սահմանի կոմպրեսորային կայաններից մեկի՝ «Ստրանջա-1/Մալկոչլար»-ի միջոցով։ Մոտակայքում է գտնվում «Ստրանջա-2/Մալկոչլար» կայանը, որը հանդիսանում է «Թուրքական հոսք» գազատարի ծովային մասի ցամաքային շարունակությունը, որով ավելի վաղ ռուսական գազ էր մատակարարվում Արևելյան և Կենտրոնական Եվրոպայի երկրներ:
ԵՄ Խորհուրդը նշել է, որ այդ երթուղիներով մինչև վերջերս ռուսական վառելիքի զգալի ծավալներ են ստացվել, ինչը հակասում է ՌԴ-ից էներգառեսուրսներից աստիճանաբար հրաժարվելու՝ դաշինքի ռազմավարությանը:
Որոշումը պահանջում է ոչ երկիմաստ ապացույցներ ներկայացնել, որ գազի ծագման երկիրը Ռուսաստանը չէ։
Մինչև մարտի 1-ը անդամ պետությունները պետք է նախապատրաստեն գազի մատակարարներին՝ փոխարինելու ազգային ծրագրերը, և նախանշեն հնարավոր դժվարությունները, որոնք կապված են ռուսական ներմուծումից հրաժարվելու հետ։
ԵՄ ղեկավարությունն ընդգծել է, որ ռուսական էներգառեսուրսների, այդ թվում՝ հեղուկ գազի և նավթի ներմուծման պահպանումը կարող է բացասաբար ազդել տարածաշրջանի էներգետիկ անվտանգության վրա:
