Աշնանը նախատեսված ընտրությանն ընդառաջ Իսրայելի խորհրդարանն ինքնալուծարման մասին որոշում է կայացրել։ Նախաձեռնությանը կողմ է քվեարկել իշխող կոալիցիայի 62 պատգամավոր։ Ընդդիմադիր ուժերը չեն մասնակցել քվեարկությանը:
Նոր գումարման խորհրդարանն արդեն կհավաքվի հոկտեմբերի 27-ի խորհրդարանի ընտրությունից հետո։ Քաղաքացիները պետք է ընտրեն 120 պատգամավոր։ Խորհրդարանում մեծամասնություն կազմելու և կառավարություն ձևավորելու համար անհրաժեշտ է առնվազն 61 մանդատ։
Բենիամին Նեթանյահուի գլխավոր մրցակիցն Իսրայելի պաշտպանության բանակի գլխավոր շտաբի նախկին պետ Գադի Այզենկոտն է՝ ընդդիմադիր «Յաշար» դաշինքով։ Վերջին հարցումների համաձայն՝ Այզենկոտը փոքր առավելություն ունի Նեթանյահուի նկատմամբ։
