Թեհրանի միջուկային օբյեկտների բոլոր ստուգումների և փոխգործակցության դադարեցումից հետո Իրանը և Ատոմային էներգիայի միջազգային գործակալությունը (ԱԷՄԳ) համաձայնեցրել են համագործակցության նոր կանոնները։
Այս մասին հայտարարել է Իրանի արտաքին գործերի նախարարության խոսնակը։
«Մեր երկրի խաղաղ միջուկային օբյեկտների վրա ԱՄՆ-ի և սիոնիստական ռեժիմի (Իսրայել) անօրինական հարձակումների հետևանքով առաջացած նոր իրողություններում փոխգործակցության մեթոդը համաձայնեցվել է», — ասել է Էսմայիլ Բաղաեին` Իրանի պետական հեռուստառադիոընկերության հետ հարցազրույցում։
ԱԷՄԳ-ի գլխավոր տնօրեն Ռաֆայել Գրոսսին և Իրանի արտաքին գործերի նախարար Աբբաս Արաղչին ստորագրել են Թեհրանի և գործակալության միջև համագործակցությունը վերսկսելու համաձայնագիրը։ Փաստաթղթի ստորագրման տեսագրությունը հեռարձակվել է իրանական SNN հեռուստաալիքով։
