Իսրայելը չի դադարեցնի Իրանին հարվածելը, չնայած հունիսի 20-ին «եվրոպական եռյակի»՝ Մեծ Բրիտանիայի, Ֆրանսիայի և Գերմանիայի արտաքին գործերի նախարարների և նրանց իրանցի գործընկեր Աբբաս Արաղչիի միջև բանակցություններին: Այս մասին լրագրողներին հայտնել է ՄԱԿ-ի ժնևյան գրասենյակում Իսրայելի մշտական ներկայացուցիչ Դանիել Մերոնը:
«Իսրայելը չի մասնակցում այդ հանդիպմանը: Մենք ունենք մեր նպատակները, որոնց դեռ չենք հասել: Հետևաբար, մենք կշարունակենք»,- ասել է նա՝ պատասխանելով այն հարցին, թե արդյոք Իսրայելը կքննարկի՞ Իրանին հարվածները դադարեցնելու հարցը, եթե այսօր առաջընթաց տեսնի եվրոպացիների հետ բանակցություններում:
Հունիսի 20-ին Ժնևում նախատեսված է «եվրոպական եռյակի» արտաքին գործերի նախարարությունների ղեկավարների հանդիպումը Իրանի արտաքին գործերի նախարար Աբբաս Արաղչիի հետ: The Washington Post-ի աղբյուրների համաձայն՝ «եվրոպական եռյակի» դիվանագետները փորձելու են համոզել Թեհրանին երաշխիքներ տրամադրել, որ իր միջուկային ծրագիրը կսահմանափակվի միայն քաղաքացիական նպատակներով:
