Հայաստանը, ԱՄՆ-ը և Ադրբեջանը տեխնիկական խմբեր են ստեղծել TRIPP-ի գործարկման համար

Հայաստանը, ԱՄՆ-ը և Ադրբեջանը տեխնիկական խմբեր են ստեղծել TRIPP-ի գործարկման համար

ԱՄՆ-ը, Հայաստանը և Ադրբեջանը մեկնարկել են TRIPP՝ «Խաղաղության և բարգավաճման միջազգային տրանսպորտային ուղի» նախագծի առաջմղման նպատակով եռակողմ տեխնիկական պլանավորման խմբերի աշխատանքը։

Համատեղ հայտարարության համաձայն՝ նախաձեռնությանը մասնակցում են ԱՄՆ պետքարտուղարի՝ Եվրոպայի և Եվրասիայի հարցերով օգնական Բրենդան Հանռահանը, Հայաստանի արտաքին գործերի և միջազգային առևտրի նախարարի տեղակալ Վահան Կոստանյանը և Ադրբեջանի արտաքին գործերի նախարարի տեղակալ Էլնուր Մամեդովը։

Եռակողմ ձևաչափը միավորում է երեք երկրների քաղաքականություն մշակողներին և տեխնիկական փորձագետներին՝ տարածաշրջանային կայունության, տնտեսական զարգացման, հաղորդակցությունների փոխկապակցվածության և առևտրի խթանման նպատակով։ Հայտարարության մեջ ընդգծվում է, որ գործընթացը բխում է 2025 թվականի օգոստոսի 8-ին նախագահ Դոնալդ Թրամփի միջնորդությամբ ընդունված խաղաղության գագաթնաժողովի հռչակագրից։

Կողմերը պայմանավորվել են ձևավորել առաջին երկու եռակողմ աշխատանքային խմբերը, որոնք կզբաղվեն տրանսպորտի և էլեկտրաէներգիայի հաղորդման հարցերով։ Դրանց աշխատանքը նպատակ ունի լուծումներ գտնել բարդ տեխնիկական խնդիրներին և անցում ապահովել ծրագրի իրականացման հաջորդ փուլերին, այդ թվում՝ TRIPP-ի կապակցմանը տարածաշրջանային այլ ենթակառուցվածքների հետ։

Կողմերը վերահաստատել են TRIPP-ի բոլոր բաղադրիչների հնարավորինս արագ գործարկման իրենց հանձնառությունը։

Հայաստանի արտաքին գործերի և միջազգային առևտրի նախարար Արարատ Միրզոյանն ավելի վաղ հայտարարել էր, որ նախագծի շրջանակում շինարարական աշխատանքները կարող են մեկնարկել 2027 թվականի սկզբին։

Աղբյուրը՝ ՀՀ Առաջին Լրատավական Ալիք

SHARE​

Թողնել պատասխան

Ավելի շատ հոդվածներ

Գերմանիան՝ որպես ԵՄ անդամ, Հայաստանի առանցքային գործընկերներից մեկն է. վարչապետը՝ Գերմանիայի ԱԳ նախարարին

Գերմանիան՝ որպես ԵՄ անդամ, Հայաստանի առանցքային գործընկերներից մեկն է. վարչապետը՝ Գերմանիայի ԱԳ նախարարին

Վարչապետ Նիկոլ Փաշինյանն ընդունել է Գերմանիայի արտաքին գործերի նախարար Յոհան Վադեֆուլի գլխավորած պատվիրակությանը։ Վարչապետը ողջունել է Յոհան Վադեֆուլի այցը Հայաստան և ընդգծել երկկողմ հարաբերությունների բարձր

Ամեն ինչ անելու ենք, որպեսզի Հայաստանի ու Ադրբեջանի միջև խաղաղության համաձայնագիրը ստորագրվի. Վադեֆուլ

Ամեն ինչ անելու ենք, որպեսզի Հայաստանի ու Ադրբեջանի միջև խաղաղության համաձայնագիրը ստորագրվի. Վադեֆուլ

«Թրամփի ուղու» երկու ուղղությամբ տեխնիկական պարամետրերի համաձայնեցման նպատակով ԱՄՆ-ի նախաձեռնությամբ համատեղ եռակողմ տեխնիկական աշխատանքային խումբ է ստեղծվել, որը նոյեմբերի 6-ին անցել է աշխատանքի՝ հայտարարել է