Հարգանքի տուրք ենք մատուցում սպանված հարյուրավոր հայերի հիշատակին. ԱԳՆ հայտարարությունը Սումգայիթի ջարդերի 38-րդ տարելիցի կապակցությամբ
Հայաստանի Հանրապետության արտաքին գործերի նախարարությունը հայտարարություն է տարածել Սումգայիթի ջարդերի 38-րդ տարելիցի կապակցությամբ: Այս մասին հայտարարություն է տարածել ՀՀ ԱԳՆ-ն X-ի միկրոբլոգում։
«1988 թվականին Ադրբեջանական ԽՍՀ ուժերի կազմակերպած Սումգայիթի կոտորածների զոհերի հիշատակի այս օրերին մենք հարգանքի տուրք ենք մատուցում սպանված հարյուրավոր հայերի հիշատակին»,- հայտարարել է մեր արտգործնախարարությունը՝ Սումգայիթի ջարդերի 38-րդ տարելիցի կապակցությամբ։
Ընդգծվել է, որ մոտ կես միլիոն մարդ բռնի տեղահանվել է։
«Հիշողությունը միայն անցյալի մասին մտորելը չէ։ Այն վերահաստատում է մարդու իրավունքները պաշտպանելու, ատելությունն ու ատելության խոսքը բոլոր դրսևորումներով մերժելու, երկարատև խաղաղության համար անսասան աշխատելու մեր համատեղ պատասխանատվությունը», — ասվում է հայտարարության մեջ։
