ՀՀ ԱԳՄԱ նախարարի տեղակալն անդրադարձել է COP17-ի հայաստանյան նախագահության առաջնահերթություններին

ՀՀ ԱԳՄԱ նախարարի տեղակալն անդրադարձել է COP17-ի հայաստանյան նախագահության առաջնահերթություններին

Հոկտեմբերի 19-ին ԱԳՄԱ նախարարի տեղակալ Ռոբերտ Աբիսողոմոնյանը Երևանում անցկացվող Կենսաբազմազանության մասին կոնվենցիայի կողմերի 17-րդ համաժողովի շրջանակներում մասնակցել է «Կրթության ազգային համակարգերի դերը պարենային անվտանգության խթանման և Կենսաբազմազանության գլոբալ շրջանակի իրականացման գործում» խորագրով բարձրաստիճան պանելային քննարկմանը: Այս մասին տեղեկացնում են նախարարությունից:

ՀՀ ԱԳՄԱ նախարարի տեղակալ Ռոբերտ Աբիսողոմոնյանն ընդգծել է միջազգային համագործակցության և բազմակողմ դիվանագիտության կարևոր դերը կենսաբազմազանության պահպանության, պարենային անվտանգության, կրթության և կայուն զարգացման փոխկապակցված օրակարգերի առաջմղման գործում։ Այս համատեքստում կարևորվել է միջազգային տարբեր գործընթացների և ոլորտային օրակարգերի միջև կապերի ամրապնդումը, համահունչ մոտեցումների ձևավորումը, ինչպես նաև գլոբալ հանձնառությունների իրականացմանն ուղղված համատեղ ջանքերի խթանումը։

ՀՀ ԱԳՄԱ նախարարի տեղակալն անդրադարձել է COP17-ի հայաստանյան նախագահության առաջնահերթություններին՝ ընդգծելով կենսաբազմազանության պահպանության հարցերն ավելի լայն տնտեսական և սոցիալական զարգացման օրակարգերում ներառման և միջազգային գործընկերությունների ամրապնդման կարևորությունը։

Ռոբերտ Աբիսողոմոնյանը կարևորել է նաև միջազգային համագործակցության դերը երկրների ազգային կարողությունների զարգացման, փորձագիտական և ֆինանսական աջակցության ներգրավման, ինչպես նաև միջազգային հանձնառություններն ազգային մակարդակում գործնական արդյունքների վերածելու գործում։

Այս համատեքստում ՀՀ ԱԳՄԱ նախարարի տեղակալն անդրադարձել է Հայաստանի և ՄԱԿ-ի Պարենի համաշխարհային ծրագրի երկարամյա համագործակցությանը՝ որպես արդյունավետ գործընկերության օրինակ, առանձնացնելով «Դպրոցական սննդի» ազգային ծրագիրը։ Կարևորվել է այս ուղղությամբ Հայաստանի կուտակած փորձի փոխանակումը գործընկեր երկրների հետ։

Ամփոփելով`Ռոբերտ Աբիսողոմոնյանն ընդգծել է, որ արդյունավետ բազմակողմ համագործակցությունը պետք է նպաստի ոչ միայն միջազգային համաձայնությունների և հանձնառությունների ձևավորմանը, այլև դրանց գործնական իրականացմանը՝ ազգային մակարդակում ապահովելով շոշափելի և երկարաժամկետ արդյունքներ։

Աղբյուրը՝ ՀՀ Առաջին Լրատավական Ալիք

SHARE​

Թողնել պատասխան

Ավելի շատ հոդվածներ

התקיים דיון במתכונת דיון מעגלי פתוח תחת הכותרת: „תקשורת ואמון הציבור: ניווט במרחב התקשורתי”.

«Մեդիա և հանրային վստահություն․ ժամանակակից հաղորդակցային միջավայրի մարտահրավերներն ու հնարավորությունները» թեմայով շրջանաձև քննարկում։

Հայաստան–Սփյուռք․ բազմոլորտ համագործակցություններ, ներուժի համադրում և հնարավորություններ» խորագրի ներքո կայացել է «Մեդիա և հանրային վստահություն․ ժամանակակից հաղորդակցային միջավայրի մարտահրավերներն ու հնարավորությունները» թեմայով շրջանաձև քննարկում։  Քննարկման

Մհեր Գրիգորյանը և ԱԶԲ փոխնախագահը քննարկել են ՀՀ կառավարության առաջնահերթությունները

Մհեր Գրիգորյանը և ԱԶԲ փոխնախագահը քննարկել են ՀՀ կառավարության առաջնահերթությունները

Փոխվարչապետ Մհեր Գրիգորյանն ընդունել է Ասիական զարգացման բանկի (ԱԶԲ) փոխնախագահ Վեմփի Սապուտրայի գլխավորած պատվիրակությանը։ Այս մասին տեղեկացնում են Կառավարությունից: Հանդիպման ընթացքում քննարկվել են ՀՀ կառավարության

Իսպանիայի թագուհի Սոֆիան այցելել է Գեղարդի վանական համալիր

Իսպանիայի թագուհի Սոֆիան այցելել է Գեղարդի վանական համալիր

Հայաստանի Հանրապետություն կատարած այցի շրջանակում Իսպանիայի թագուհի Նորին Մեծություն Սոֆիան ԿԳՄՍ նախարար Ժաննա Անդրեասյանի ուղեկցությամբ այցելել է Գեղարդի վանական համալիր։ Նորին Մեծությունը շրջայց է կատարել