Դամասկոսի պաշտոնական տվյալներով՝ Սիրիայի և Իսրայելի բարձրաստիճան ներկայացուցիչները բանակցություններ են սկսել՝ ուղղված երկու երկրի միջև լարվածության նվազեցմանը:
Սիրիայի պատվիրակությունը՝ անցումային կառավարության արտաքին գործերի նախարար Ասաադ ալ Շեյբանիի գլխավորությամբ և Հորդանանում հետախուզական ծառայությունների ներկայացուցիչների մասնակցությամբ, հանդիպել է Իսրայելի պատվիրակության հետ՝ ԱՄՆ-ի միջնորդությամբ: Այս մասին օգոստոսի 23-ին հայտարարել է Սիրիայի ԱԳՆ ներկայացուցիչը:
Հանդիպումը «Սիրիայի տարածքի վերջին իսրայելական ռմբակոծություններից հետո լարվածության թուլացման ջանքերի մի մասն է», հաղորդում է սիրիական պետական «Սանա» լրատվական գործակալությունը։
AFP-ն, հղում անելով Սիրիայում դիվանագիտական և կառավարական աղբյուրներին, հաղորդում է, որ Ալ Շեյբանին հանդիպել է Իսրայելի հետախուզական ծառայության՝ Մոսադի ղեկավար Ռոման Հոֆմանի հետ։ Կողմերը, ի թիվս այլ հարցերի, քննարկել են Հորդանանում ԱՄՆ վերահսկողության ներքո «հատուկ գործողությունների հրամանատարական կենտրոնի» ստեղծումը։ Գործակալությունը նշում է, որ դրա նպատակը Սիրիայում բախումների կանխարգելումն է, այդ թվում՝ Թուրքիայի մասնակցությամբ։
