Վարշավայում բովանդակալից զրույց եմ ունեցել իմ հայ գործընկերոջ՝ Արարատ Միրզոյանի հետ՝ X-ի իր էջում գրել է Ուկրաինայի արտգործնախարար Անդրիյ Սիբիհան:
«Քննարկել ենք երկկողմ օրակարգը, իրավիճակը Հարավային Կովկասում և աշխարհաքաղաքական վերջին զարգացումները, մտքեր փոխանակել ՄԱԿ-ի Գլխավոր ասամբլեայի բարձր մակարդակի շաբաթվա արդյունքների վերաբերյալ:
Պայմանավորվել ենք մեր երկկողմ հարաբերությունների հետագա զարգացման մասին և քննարկել, թե ինչ կարող ենք անել միասին՝ Եվրոպայում համապարփակ, արդար և կայուն խաղաղությունը մոտեցնելու համար: Նախարար Միրզոյանին հրավիրել եմ այցելելու Կիև», — նշել է դիվանագետը։
