[ad_1]
ԱՄՆ փոխնախագահ Ջի Դի Վենսը ժամանել է Մյունխենի անվտանգության միջազգային համաժողովին՝ քննարկելու ռուս-ուկրաինական հակամարտությունը և բանակցային կարգավորմանը վերաբերող հարցեր: Նախատեսվում է, որ անվտանգության համաժողովի ընթացքում Վենսը կհանդիպի Ուկրաինայի նախագահ Վոլոդիմիր Զելենսկու հետ: Իսկ մինչև այդ ԱՄՆ փոխնախագահը հանդիպել է ՆԱՏՕ-ի գլխավոր քարտուղար Մարկ Ռյուտեի հետ: Հանդիպումից առաջ Վենսը նշել է, որ քննարկելու են պաշտպանության հարցում ավելի շատ ռեսուրսներ ներդնելու հարցը, ինչպես նաև ռուս-ուկրաինական հակամարտությունը և բանակցությունների առանձնահատկությունները: Հանդիպման մեկնարկին Ջի Դի Վենսը նշել է, որ Վաշինգտոնն առաջին հերթին ցանկանում է համոզվել, որ ՆԱՏՕ-ն իրականում կառուցված է ապագայի համար: «Մենք կարծում ենք, որ ՆԱՏՕ-ն մի փոքր ավելի մեծ բեռ է ստանձնել Եվրոպայում, ինչը խանգարում է որպեսզի Միացյալ Նահանգները կարողանա կենտրոնանալ Արևելյան Ասիայում որոշ մարտահրավերների վրա»,- հայտարարել է ԱՄՆ փոխնախագահը:
Միջազգային լրահոսը՝ տեսաշարում:
[ad_2]
ՀՀ Առաջին Լրատավական Ալիք
