Սպիտակ տունը հրապարակել է Դոնալդ Թրամփի 20 կետից բաղկացած ծրագիրը, որը կոչված է վերջ դնելու Մերձավոր Արևելքում հակամարտությանը: ԱՄՆ նախագահն ու Իսրայելի վարչապետը քննարկել են այն Սպիտակ տանը տեղի ունեցած բանակցությունների ընթացքում։
Գազայի հատվածում հակամարտության կարգավորման վերաբերյալ համաձայնագիրը շատ մոտ է՝ հայտարարել է ԱՄՆ նախագահը Իսրայելի վարչապետի հետ բանակցություններից հետո:
«Եթե ՀԱՄԱՍ-ն ընդունի իմ առաջարկը, ապա դա նշանակում է բոլոր պատանդների ազատ արձակում 72 ժամվա ընթացքում և բուն պատերազմի ավարտ»,- հավելել է Թրամփը:
Նրա խոսքով՝ Միացյալ Նահանգները Իսրայելին լիակատար աջակցություն կցուցաբերի խմբավորումը ջախջախելու միջոցներ ձեռնարկելու հարցում, եթե վերջինս չընդունի առաջարկված խաղաղության համաձայնագիրը:
Իր հերթին, Իսրայելի վարչապետը հայտարարել է, որ համաձայն է ԱՄՆ նախագահի ծրագրին:
