Middle East Eye-ը, հղում անելով աղբյուրներին, հաղորդել է, որ Թուրքիայի կառավարությունը մշակում է միջազգային խաղաղապահ առաքելության շրջանակներում Գազայի հատված հարյուրավոր զինվորներ ուղարկելու ծրագրերը։
Ձևավորվող մոտ 2000 հոգուց բաղկացած բրիգադը կներառի խաղաղապահ գործողություններում և հակամարտության գոտիներում փորձ ունեցող զինծառայողների: Զորակազմը Գազայում կընդգրկվի միջազգային կայունացման ուժերի կազմում:
Անկարան այդ որոշումը կայացրել է հակառակ Թել Ավիվի դիրքորոշման: Աղբյուրների համաձայն՝ Իսրայելը դեմ է անկլավում թուրքական զորքերի ներկայությանը, սակայն Միացյալ Նահանգներն այդ հարցում վերջնական որոշում դեռ չի կայացրել։ Առաքելության վերաբերյալ ՄԱԿ-ի Անվտանգության խորհրդի բանաձևն էլ քննարկման փուլում է։
