Իրանի նախագահ Մասուդ Փեզեշքիանը հայտարարել է, որ իր վարչակազմի արտաքին քաղաքականության հիմնական գերակայությունը հարևանների, այդ թվում՝ Ադրբեջանի, Թուրքիայի, Թուրքմենստանի և Պարսից ծոցի երկրների հետ կապերի ամրապնդումն է:
Ելույթ ունենալով Իրանի ԱԳՆ-ում՝ նա դիվանագետներին կոչ է արել ավելի ակտիվ աշխատել արտաքին ուղղությամբ: Փեզեշքիանը նաև հաստատել է Իրանի ձգտումը՝ խորացնել համագործակցությունը BRICS-ի, ՇՀԿ-ի, ԵԱՏՄ-ի, ինչպես նաև Ռուսաստանի, Չինաստանի և եվրոպական երկրների հետ՝ ազգային շահերի հիման վրա:
