Կաթոլիկ եկեղեցու առաջնորդ, Հռոմի պապ Լևոն XIV-ը Սուրբ Ծննդյան քարոզի ընթացքում խոսել է ամբողջ աշխարհում անօթևանների վիճակի և աշխարհը ցնցող պատերազմների պատճառած ավերածությունների մասին։ Նա ցավով է անդրադարձել նաև Գազայում պաղեստինցիների վիճակին։
Reuters գործակալությունը նկատել է, որ մայիսին ընտրված Լևոն XIV-ի ելույթներն ունեն ավելի զուսպ ու դիվանագիտական ոճ, քան իր նախորդ Ֆրանցիսկոս պապինը, և նա սովորաբար խուսափում է քաղաքական թեմաներից։
Այնուամենայնիվ, նոր պապը վերջին շրջանում մի քանի անգամ անդրադարձել է Գազային և անցած ամիս հայտարարել էր, որ Իսրայելի և պաղեստինցիների միջև տասնամյակներ շարունակվող հակամարտության միակ լուծումը պետք է նախատեսի պաղեստինյան պետության ստեղծում։
