Հայաստանն ինքնիշխան և անկախ երկիր է. նրա ժողովուրդն ազատ է՝ ընտրելու իր ճանապարհը՝ X-ի իր էջում գրել է ընդլայնման հարցերով եվրահանձնակատար Մարթա Կոսը:
«Այսօր կեսօրին արդյունավետ հեռախոսազրույց եմ ունեցել Հայաստանի արտգործնախարար Արարատ Միրզոյանի հետ, որի ընթացքում վերահաստատել եմ ԵՄ համերաշխությունը Հայաստանի հետ Ռուսաստանի կողմից աճող տնտեսական ճնշման պայմաններում։
Մենք ուսումնասիրում ենք կարճաժամկետ հեռանկարում ԵՄ-ի կողմից Հայաստանին տրամադրվող աջակցության ավելացման ուղիները։ Մենք նաև կարագացնենք մեր աշխատանքը Հարավային Կովկասի հետ և նրա ներսում առևտրային և էներգետիկ կապերի ամրապնդման ուղղությամբ՝ պահպանելով Հայաստանի տնտեսական կապերը նրա մերձավոր հարևանների հետ»,- նշել է եվրոպացի պաշտոնյան:
