Քննարկվել են Հայաստանի և Եվրոպական միության միջև մաքսային ոլորտում համագործակցության հեռանկարները

Քննարկվել են Հայաստանի և Եվրոպական միության միջև մաքսային ոլորտում համագործակցության հեռանկարները

ՀՀ պետական եկամուտների կոմիտեից տեղեկացնում են, որ նախագահ Էդուարդ Հակոբյանը Բրյուսելում՝ Smart Customs («Խելացի մաքսատուն») ծրագրի գլոբալ միջոցառման շրջանակում, շարունակել է աշխատանքային հանդիպումները։

Աշխատանքային այցի շրջանակում ՊԵԿ նախագահ Էդուարդ Հակոբյանը հանդիպել է Եվրահանձնաժողովի հարկային և մաքսային միության գլխավոր տնօրինության (DG TAXUD) մաքսային ուղղության տնօրեն Մաթիաս Պեչկեի հետ։

Հանդիպման ընթացքում քննարկվել են Հայաստանի և Եվրոպական միության միջև մաքսային ոլորտում համագործակցության ընթացիկ և հնարավոր ուղղությունները։ Մասնավորապես, քննարկվել են ԵՄ-ի հետ մաքսային ոլորտում ծրագրերի իրականացման միջոցով համագործակցության հեռանկարները, Ընդհանուր տրանզիտային կոնվենցիային (CTC) և Նոր համակարգչային տրանզիտային համակարգին (NCTS) առնչվող հարցերը, ինչպես նաև անդրադարձ է կատարվել լիազորված տնտեսական օպերատորների ինստիտուտին և ապրանքների ժամանումից առաջ տեղեկատվության տրամադրման մեխանիզմներին։

Աշխատանքային այցի շրջանակում ՊԵԿ նախագահը հանդիպել է նաև Չինաստանի Ժողովրդական Հանրապետության մաքսային գլխավոր վարչության միջազգային համագործակցության դեպարտամենտի գլխավոր տնօրեն Գուո Սյուեյանի հետ։ Հանդիպմանն անդրադարձ է կատարվել երկկողմ մաքսային համագործակցության զարգացմանը՝ հատկապես նախնական էլեկտրոնային տվյալների փոխանակման և լիազորված տնտեսական օպերատորների ծրագրերի փոխադարձ ճանաչման ուղղություններով։

Հայկական կողմը ներկայացրել է ապրանքների և տրանսպորտային միջոցների վերաբերյալ նախնական էլեկտրոնային տվյալների ուղղակի երկկողմ փոխանակման ձևաչափով առաջ շարժվելու իր նախընտրությունը։ Քննարկվել են լիազորված տնտեսական օպերատորների ծրագրերի փոխադարձ ճանաչման վերաբերյալ փաստաթղթի վերջնական համաձայնեցման և ստորագրման նախապատրաստման հարցերը։ Հայկական կողմը տեղեկացրել է ներպետական ընթացակարգերի գրեթե ավարտված լինելու մասին և հայտնել ստորագրմանն անցնելու պատրաստակամությունը։

Աղբյուրը՝ ՀՀ Առաջին Լրատավական Ալիք

SHARE​

Թողնել պատասխան

Ավելի շատ հոդվածներ

Գերմանիան՝ որպես ԵՄ անդամ, Հայաստանի առանցքային գործընկերներից մեկն է. վարչապետը՝ Գերմանիայի ԱԳ նախարարին

Գերմանիան՝ որպես ԵՄ անդամ, Հայաստանի առանցքային գործընկերներից մեկն է. վարչապետը՝ Գերմանիայի ԱԳ նախարարին

Վարչապետ Նիկոլ Փաշինյանն ընդունել է Գերմանիայի արտաքին գործերի նախարար Յոհան Վադեֆուլի գլխավորած պատվիրակությանը։ Վարչապետը ողջունել է Յոհան Վադեֆուլի այցը Հայաստան և ընդգծել երկկողմ հարաբերությունների բարձր

Ամեն ինչ անելու ենք, որպեսզի Հայաստանի ու Ադրբեջանի միջև խաղաղության համաձայնագիրը ստորագրվի. Վադեֆուլ

Ամեն ինչ անելու ենք, որպեսզի Հայաստանի ու Ադրբեջանի միջև խաղաղության համաձայնագիրը ստորագրվի. Վադեֆուլ

«Թրամփի ուղու» երկու ուղղությամբ տեխնիկական պարամետրերի համաձայնեցման նպատակով ԱՄՆ-ի նախաձեռնությամբ համատեղ եռակողմ տեխնիկական աշխատանքային խումբ է ստեղծվել, որը նոյեմբերի 6-ին անցել է աշխատանքի՝ հայտարարել է

Սուրեն Պապիկյանը մասնակցել է Շումանի անվտանգության և պաշտպանության համաժողովի բացմանը

Սուրեն Պապիկյանը մասնակցել է Շումանի անվտանգության և պաշտպանության համաժողովի բացմանը

Նոյեմբերի 18-ին ՀՀ պաշտպանության նախարար Սուրեն Պապիկյանը Բրյուսելում մասնակցել է Շումանի անվտանգության և պաշտպանության համաժողովի բացման արարողությանը, ինչպես նաև պանելային քննարկումների՝ համընդհանուր անվտանգության, խաղաղապահության և