Ֆրանսիայի նախագահ Էմանուել Մակրոնը հայտարարել է, որ իր երկիրը կաջակցի Պաղեստինի վարչակազմին ապագա պաղեստինյան պետության Սահմանադրության մշակման հարցում:
Դրա համար կստեղծվի ֆրանս-պաղեստինյան համատեղ կոմիտե։ Ինչպես նշել է Մակրոնը, փաստաթղթի նախագիծն արդեն պատրաստ է, և այն ներկայացրել է Պաղեստինի ազգային վարչակազմի ղեկավար Մահմուդ Աբբասը:
Փարիզում կայացած հանդիպումից հետո Պաղեստինի ղեկավարն ընդգծել է, որ ապագա Սահմանադրությունը պետք է հիմնված լինի ժողովրդավարության, խաղաղության և իրավունքի գերակայության սկզբունքների վրա:
