Նաթանզի իրանական միջուկային օբյեկտներին Իսրայելի հարվածներից հետո հայտնաբերվել է ռադիոլոգիական և քիմիական աղտոտվածություն։ Այս մասին հայտնել է Ատոմային էներգիայի միջազգային գործակալության գլխավոր տնօրեն Ռաֆայել Գրոսին՝ ելույթ ունենալով իսրայելական ռազմական գործողությունների մեկնարկից հետո Իրանում ստեղծված իրավիճակի վերաբերյալ ՄԱԿ-ի Անվտանգության խորհրդի նիստում։
«Այնուամենայնիվ, արտաքին ազդեցության պատճառով Նաթանզի օբյեկտների ներսում կա ռադիոլոգիական և քիմիական աղտոտվածություն», — ասել է ԱԷՄԳ-ի ղեկավարը։
Գործակալության ղեկավարի խոսքով՝ միջուկային օբյեկտների ռադիոլոգիական և քիմիական աղտոտվածությունը կարելի է վերահսկել։
«Օբյեկտի ներսում հայտնաբերված ճառագայթման տեսակը՝ հիմնականում ալֆա մասնիկները, կարելի է վերահսկել՝ օգտագործելով ճառագայթային պաշտպանության համապատասխան միջոցներ», — նշել է գլխավոր տնօրենը։
