Ադրբեջանի ԱԳՆ խոսնակը հայտարարել է, որ այսպես կոչված «Զանգեզուրի միջանցքը» բխում է տարածաշրջանի շահերից և ուղղված չէ Հայաստանի ինքնիշխանության դեմ:
Նրա խոսքով՝ օգոստոսի 8-ի վաշինգտոնյան գագաթնաժողովի կարևոր արդյունքներից մեկը Թրամփի ուղու՝ TRIPP-ի նախագիծն է, որը կամրապնդի տարածաշրջանային կապերը։
«Սպիտակ տանը ձեռք բերված պայմանավորվածություններին համապատասխան՝ սեպտեմբերի 5-ին երկու երկրի պատվիրակությունները՝ փոխվարչապետների գլխավորությամբ, փոխադարձ այցելություններ են կատարել Ադրբեջան և Հայաստան, ծանոթացել տրանսպորտային ուղիներին և ենթակառուցվածքներին»,- մանրամասնել է Հաջիզադեն։ Նա հավելել է, որ «3+3» ձևաչափով հաջորդ հանդիպումն էլ նախատեսված է Ադրբեջանում։
Միջազգային լրահոսը՝ տեսաշարում:
