COP17-ի, Կարթագենյան և Նագոյայի արձանագրությունների կողմերի համատեղ լիագումար նիստում ամփոփվել է բանակցությունների առաջին հինգ օրերի ընթացքում արձանագրված առաջընթացը։
COP 17-ի նախագահ, Շրջակա միջավայրի նախարար Համբարձում Մաթևոսյանը շնորհակալություն է հայտնել պատվիրակություններին՝ արդյունավետ աշխատանքի և կառուցողական քննարկումների համար։ Առաջընթացը հնարավոր է միայն համագործակցության և փոխըմբռնման շնորհիվ, հայտնում են նախարարությունից։
Ընդհանուր նպատակն է համաձայնության հասնել բովանդակալից որոշումների շուրջ, որոնք կնպաստեն Կունմինգ-Մոնրեալի կենսաբազմազանության գլոբալ շրջանակի նպատակների իրագործմանը՝ համատեղ հանձնառությունները վերածելով գործնական արդյունքների։
